PASAMBAHAN SINGGALANG

DAFTAR ISI.

1)      Mintak sifat-oleh sipangka.

2)      Batang pasambahan-maangkek gala.

3)      Alek duduak ba-iyo,mancari gayuang manyambuik kato manjawab.

4)      Mintak sifat sebelum gayuang manyambuik kato manjawab.

5)      Ma-ulang batang pasambahan oleh Alek.

6)      Sakik maimbauan,mati badapek-an ka bakeh mamak.

7)      Sambah tabayak.

8)      Batang pasambahan minum makan.

9)      Batangpasambahanmintak gala.

10)   Pasambahan Manjapuik marapulai.

Sutan Panduko/sipangka;

Bakeh angku......Sarapeknyolah angku pangulu nan gadang basa batuah,sarato guru,sarato kitolah nan rapek.

Aratinyolah bana nan kaditampuahan kabakeh angku nan basamo-samo,akan tetapi sabalun rago jo sambah,iyolah nak dibari ambo maaf suko jo rila,nan kadibanakan juo kabakeh angku nan basamo-samo.

Rasonyo jokok maagak diangku,sakiro jauah lah bajalang,hampia lah baturuik,saruan lah bahadiri,janjian lah batapati,ikara pun lah bamuliakan,pun lah hadir duduak baselo diateh rumah gadang nanko.

Baa karano lah hadir diateh rumah gadang nanko,karano hari ko lah baransua laruik,baa kok li lai nan banamo takana dihati nan takilan dimato,dikami nan sakaji silang nan bapangka karajo nan bapokok,alah koh kapatuik bana dikatangahkan,ikolah sambah nan dipulangkan kabakeh angku.

Angku basa (alek);

Aratinyolah nan manjadi buah kabanaran disutan tarhadok kateh badan diri kami lah nan basamo-samo...akan tatapi sabalun rago jo sambah.....(ulang buah kabanaran sipangka,,,,)..bana baitu buah kabanaran sutan..

Sipangka menjawab; sabananyo...

Angku(alek);

Sapanjang buah kabanaran sutan iyolah banamo didalam,lalunyo banamo didalam; nan sangko hati pikiran kami,balun lai sutan manyabuik nan takana,baa karano lah gugua dari tampuak lah sakah dari dahan,balun dijuluak lah rareh balun dikaik lah sakah,lalunyo tu....lah mangatokan pulo sutan hari ko lah baransua laruik.

Lai nan nyinyo kami nan basamo-samo,supayo siang jan bahabih hari,malam jan bahabih minyak.kok li lai nan banamo takana dihati nan takilan dimato di sutan nan sakaji silang bapangka karajo nan bapokok,alah patuik rasonyo bana dikatangahkan.ikolah pambari bakeh sutan.

Sipangka;

Aratinyolah nan manjadi buah pambari diangku....(ulang buah pambari angku).

Sapanjang buah Pambari Angku,iyolah banamo didalam,lalunyo banamo didalam.Sungguahpun bana nyinyo Angku,ambo kamanyabuik sado nan takana dihadapan angku nan basamo-samo,karano ambo nanko urang li mudo,kamalangkahkan kaki  kamanjambokan tangan,lalunyo tu...kok tadoroang mintak disintak,tadapo mintak diragang,senteang mintak dibilai,kurang mintak ditukuak,sipi pun sakali mintak dikatangahkan.

Kok tasabuik ambo di nan bukan mintak diasak bakeh nan iyo,kok tasabuik di nan iyo,ka-iyo-an nyo nantun,iyo nak didalam pertimbangan angku nan basamo,ikolah sambah nan dipulangkan kabakeh angku.

Angku(alek);

Aratinyolah nan manjadi buah kabanaran disutan taradok kateh badan diri ambo,,,(ulang kabanaran sipangka).

Sapanjang buah kabanaran sutan iyolah banamo didalam,lalunyo banamo didalam,,Dek ingek pulo sutan bakacak tantang nantun,ingek samintaro balun kanai,bakulimik sabalun habih,.

Kaingekannyo nantun,balun tadoroang lah mintak disintak,balun tadapo lah mintak diragang.

Baa diateh kami surang lai baduo,baduo lai batigo,jikalaunyo tumbuah saumpamo bijo,tarabik saumpamo padi,lai nak kami paiyo-iyokan malah,kandak dibari pintak dipalakuan,alah kasanang hati sutan.ikolah pambari bakeh sutan.

Sipangka;

Aratinyolah nan manjadi buah pambari diangku taradok kateh badan diri ambo....(ulang kabanaran)

Sapanjang buah pambari angku iyolah banamo didalam,lalunyo banamo didalam Ya Allah sanangnyo hati,sajuak didalam kiro-kiro.baa karano kandaklah babari pintak lah bapalakuan,lai dengan insyaallah bara sado takana balayia-an diambo. Sakian sambah bakeh angku.

Angku(alek);

Sapanjang buah kabanaran sutan ndak rago diulang panjang,malainkan didapo lakeh,lai jaweknyo sajo dihasiakan,baa karano lah kabalayiakan di sutan,lai dgn insyaallah basimakkan dikami basamo-samo..

Sipangka;

baa karano lah kabasimakkan di angku,lai dgn insyaallah basagiroan juo diambo....

Angku(alek);

basimakkan di kami............

(sipangka langsung mambaco batang pasambahan)

Angku sambah.

Sungguahpun angku nan disambah,mangko mintak ampunmalah ambo dihadapan angku ka pangulu nan gadang basa batuah,sarato guru sarato kito nan rapek.

Dituanku lah nan duo tigo nan bakadudukan,dipakiah,dipegawaidi malin nan ampek jurai di musajik,dikito nan bakarapatan.Mudo jo mulia alek sa isi rumah gadang nangko,bakeh ambo manghantarkan sambah.Indak tabilang ta atok,tajalani.Hanyolah pambilang paatok panjalani pamuliakan hanyolah sambah.Sambah ambo nantun sambah baririk di hadapan angku pangulunan gadang basa batuah.Ujuang panitahan kabakeh angku nan sakaji alek……

(jwb angku alek:manitahlah sutan)…

(Sipangka langsung manitah….)

Mangko manitah malah ambo…

Rasihan pamenan lalok,

kacimpuang pamenan mandi,

indak tabilang ta atok,

sambah jo simpuah panjalani..

Kanang kanang diateh bukik,

siturak didalam rawah,

sikalumbuak di ateh pintu,

mintak tanang ambo sadikik,

ambo ini mahantarkan sambah,

ayam bakukuak ambo lai ragu.

Lalatan nak rang kamang,

rang kabun marapek suri,

kalapo dimano rang lampaikan,

kok salah ambo toloanglah timbang,

kok guru cando lah mati,

nan kitab tabaliak balun,

sasek ambo toloang tunjuakkan.

sikaduduak daunnyo rampak,

rantiangnyo ambiak kasuluah,

bungo cimpago rang sakahkan,

angku duduak ambo pun tagak,

disusun jari nan sapuluah,

mardeso kato disambahkan.

rami galanggang nak rang tiji,

naiak juaro nak rang kajai,

sungguahpun ambo tagak badiri,

bukan toh ambo cadiak pandai…

Kumbuak iyopuran pun iyo, pacah carano panimbokan,

angku iyo tuanpun iyo,sambah dimano ditibokan.

Badia sijapun di bangkahulu, panembak ondan dalam tabek,dibawok nak urang padang lua,

Mintak ampun ambo bakeh pangulu,sambah nak lalu ka nan rapek, ujuangnyo nak tibo di sipangka.

(khusus dibaca oleh si alek,sipangka boleh tidak membaca bagian ini)

sapandai pandai marambah,

rambahkan ka batang bingku,

bingkudi ateh kalupak,

kalupak babungo pulo,

sapandai pandai manyambah,

sambahkan bakeh pangulu,

pangulu mamakai cupak,

cupak mamakai adaik pusako pulo.

kalakatayo anak kambiang,

malompek kadalam duri,

malosoh kadalam samak,

bamalam dikoto tuo.

Bukan toh ambo tagak samiang,

lah manjadi adaik di nagari,lah bapakai di nan banyak,baitu pituah di nan tuo..

Hanyolah nan manjadi pituah dinan tuo,

sajak samulo sumua bagali, rantiang bapatah nagari bahuni,pangulu badiri dlm nagari sarato jo adaiknyo.

Adopun duo kato nan baeco nan bapakai, satu kato buek,ganok kaduo kato pusako.

Hinggo buek namonyo bapakai,pusako bana barunggusi,lampisan buek jo pusako wajah rang jano dikanduangnyo,

suatu wajah elok jo Buruak nan tak habih silang salisih,nan tak carai hiru haro dlm nagari nan tdk bakaputusan.

Dlm pd nantun,DUO pulo jalan nan baturuik,mano2 jalan duo nan baturuik,satu jalan syarak,kaduo jalan adaik.

Jikok dikaji jalan sapanjang syarak, iyo malah:iman,islam,tauhid,makrifatullah,. Mangarajokan nan basuruah,ma-hantikan nan batagah,Mangko didirikanlah musajik jamiak ditangah nagari tampek mangarajokan rukun nan limo,itulah nan dikaji jalan sapanjang syarak namonyo.

Jikok dikato jalan sapanjang adaik,hanyo tu:babarih babalabeh,baukua bajangko,batiru batuladan,basasok bajarami,bapandam bapakuburan,bajanjang naiak batanggo turun,naiak dari pado janjang turun daripado tanggo, mampartimbangkan adaik jo pusako.

Kamano jalan kabaliak,kinari jalan kasumpu,

pulai bapangkek naiak, maninggakan rueh dgn buku,

manusia batanggo turun, maninggakan adaik jo pusako..

HANYOLAH NAN MANJADI ADAIK JO PUSAKO:

kayu kalek madang dilurah,

diambiak katangkai pangkua,

labiahnyo kapapan tundo.

kabek arek nan tidak barubah,

simpai nan tidak baransua,

sakarang kini areknyo baitu juo.

AREKNYO BAITU JUO,jikalau luhak dibari barajo,nagari dibari bapangulu,kampuang dibari ba nan tuo,GUNONYO TU,elok luhak saparentah rajo,elok nagari saparentah pangulu,elok kampuang dek nan tuo,rancak tapian dek nan mudo.baa diateh basa nan babingkah tanah,gadang nan balingkua aua. ketek banamo pakarjaan,gadang banamo pakarjaan,.Baa di nan sakarang iko kini,krn lah tumbuah pakarjaan baik di koroang kampuang ANGKU……….

Saumpamonyolah angku pangulu nan gadang basa batuah,saumpamo kayu gadang basilaro ditangah koto,

urek nan taguah kapitalo,pucuak nan cewang ka udaro,urek manjadi aka baha, batang manjadi batang baru,

kulik manjadi kulik tanga, gatah manjadi gatah piyu,ranggeh manjadi ula gerang, rantiang manjadi ula lidi,

daun manjadi layang2, bungo manjadi bungo cangkeh,buah manjadi buah palo, harum manih lamak dimakan, dimakan urang sa alam ko.

Amma ba’du,kemudian drpd itu,bukan toh duo kato ka diulang,saumpamonyolah angku pangulu nan gdang basa batuah,saumpamo kayu gadang basilaro ditangah koto,leba urek bakeh baselo, gadang batang bakeh basanda, rimbun daun bakeh balinduang..

Lalunyo tu: muluiknyo masin katonyo badanga,kamanyuruah pai,ka maimbau datang.,Baa dinan sakarang iko kini,krn lah basuruah kami,urang mudo matah nan tau cadiak pandai,kamanyaru angku nan jauah,kamanjalang angku nan ampia.

DALAM PADO NANTUN.

Rang Pitalah pai kapadang,

tibo dipadang baniago,

nan disaru pun lah datang,

nan dinanti pun alah tibo…

Pun lah hadir diateh rumah gadang nangko.., Baa Karano lah hadir di ateh rumah gadang nangko……

Disinanlah lakek bak sapanjang pantun hadis urang Melayu..

Rang aris mangarek kuku,dikarek dgn sirauik,

takarek dibatuang tuo,ujuangnyo diambiak ka cupak,pangkanyo diambiak ka lantai,nagari babilang suku,suku babilang buah paruik,disinanlah adaik nan bapakai,baitu pituah dinan tuo…

Mangko dinamoilah nagari nan 4 suku,dibari ba koto,bapisang,bajambak bapanyalai,(….menurut 4 suku yg ada di dlm nagari)sarato pangga tuonyo ditangah nagari.

Supayo nak buliah kandak bakandak,nak harus japuik manjapuik,nak buliah sumando manyumandoi..

Baa dinan sakarang ko kini,karano alah pai sumando nan tadahulu dari pado kito,dari kampuang koto ka kampuang jambak,(koto adalah suku mempelai pria,,jambak adalah suku bapak mempelai pria)

Hanyolah nan manjadi untuak di rang sumando,kok runtuah ka mambatua,rumpang ka manyisik,lapuak ka ma apik kan,.

Nan manjadi niat jo naza di urang sumando,kok umua panjang,rasaki rumah,bala tatulak,naimaik hampia……Lampisan dibaliak itu,kok puro nak barisi ameh,kapuak nak barisi padi,kandang nak barisi taranak,kampuang nak barisi anak buah.

Baa dek Allah taala kayo, nabi Muhammad samad,kandak nan sadang kadibari, pintak nan sadang kadipalakuan..Baiak sahari lah 2 hari, sapakan lah 2 pakan, pun lah batahun kalamonyo..Pun alah dapek anak Islam sikebaikan silaki-laki..

Jikok dikato anak islam sikabaikan silaki2..Waktu ketek dibawo ka aia,di aja mandi.Dibawo pulang,di aja makan.Dibari barambuik basijantuang.Cahayo mautuih manikam,tarang binarang ditangah koto.Mako dilakekkanlah cincin nan sabantuak.Cincinnyo ameh tambang suaso.Tukang mudo pandak kaki.Cincin sudah tukang babunuah,tak dapek ditiru lai,kok dapek ditiru lai, gaib sakali paresonyo.

Amma ba’du,kemudian dari pado itu,bukan toh kato kadiulang.

Jikok dikato anak islam sikebaikan silaki2,nan manjadi utang di ibu jo baponyo.Satu manyarahkan,duo mangikahkan,tigo malapehkan balig jo baraka.

Jikok dikato anak islam sikebaikan siperempuan,nan manjadi utang di ibu jo baponyo.Satu manyarahkan,duo mangikahkan,tigo malapehkan katangan urang seseorang.Sabalun taganggam ditangan urang seseorang,manjadi utang di ibu baponyo.

Baa jokok digagak gagak di padi,dirandang randang bungo lado,di agak agak jo hati,di pandang2 jo mato.,anak angko…ketek bak raso lah gadang, kuruih bak raso lah gapuak, binguang bak raso lah cadiak,.

Jikalau ketek lah dibari banamo, gadang kadibari bagala..Ketek nan mambari banamo,kumbali ka ibu jo baponyo.Gadang nan kadibari bagala,kumbali kakampuang ba nan tuo,nagari nan bapangulu,kamanakan nan bamamak,anak nan babapak.

Mangko baiyo babukan malah mamak sarato jo bapaknan sakaji silang nan bapangka krj nan bapokok,kamancari Bulek sagiliang pipia satapiak.

Dalam pado nantun,antah hari ko lah nan elok,kutiko ko lah nan baiak,

sadang kutiko bungo kambang,sauah tatagun angin tibo,ajuang balaia di musimnyo,dapeklah bulek sagiliang pipia satapiak,bulek aia di pambuluah,bulek kato dimufakaik,lah samufakaik nan basamo2 dimaagak tantangan ka Galanyo….

si BUDI nan bagala Sutan Bagindo.

Surian dibaliak dindiang,dikarek mangko diukua,

talatak diateh padi,barek nak samo dipikua,

ringan nak samo dijinjiang,baitulah adaik di nagari.

LALUNYO TU…

Kok batamu di ALEK nan bajamu,nak dibawo malah,sasandiang duduak sajamba makan,sapantang sapajatian juo malahhandaknyo.

Kok basuo diLABUAH nan goloang diPASA nan rami,lai nak itu sajo di imbaukan galanyo siBUDI Nan bagala Sutan Bagindo.

Kok banamo didalam buah kabanaran ambo,nak ambo tampuahkan,kok banamo bukan,baa ka elok kasuruiknyo...SAKIAN SAMBAH JO TITAH...nan lalu dihimpunanka arifan angku panghulu nan gadang basa batuah sarato guru sarato kito nan rapek.Sagitu nan takana nyoh Angku…

Angku basa;

Aratinyolah sambah nan dikumbalian kabakeh sutan,..Rasonyo jikok maagak di nan cako karano lah manabik rundiangan sutan nan sakaji silang nan bapangka,karajo nan bapokok,.tantu manuruik adaik nan lamo,pusako nan usang nan bataduah bakajangi,nan manjadi jalan rayo titisan batu,pusako gayuang basambuik,limbago kato bajawab.

Baa di maagak gayuang kamanyambuik,kato kamanjawab.,diateh kami surang lai baduo,baduo lai batigo..lai nak kami tariak bajalan baiyo bakato bamulah, mananti sutan jo panitahan,ambo marila jo parundiangan.. ikolah pambari bakeh sutan.

Sutan panduko;

“Dipihak sambah nan mandatang,hulu jantuang Limpo bakuruang, Lubuak hati pamenan mato,Suntiang pamenan bundo kanduang. Kok kurang elok  susunnyo nan bak siriah,kok kurang rancak ririknyo bak urang mambatua, Disiko diangkek tangan nan duo,disusun jari nan sapuluah.. Rila jo maaf dipintak,dihadapan angku ka pangulu nan gadang basa batuah,sarato guru,sarato kito nan rapek”.

Sapanjang buah pambari angku iyolah banamo didalam,lalunyo banamo didalam, baa karano lah kabatariak di angku bajalan baiyo bakato bamulah,lai dgn insyaallah...bana bananti di ambo tantang nantun.

Angku basa;

Baa karano lah kamananti di sutan,lai dengan insyaallah,ba paiyoan juo di ambo...

PELAKU;

1.Angku basa/niniak mamak.

2.Sutan Basa/orang I.

3.Sutan Sinaro/orang II.

4.Sutan Tanameh/orang III.

Angku;

sutan basa,sutan sinaro..sungguahpun sutan nan taimbau dalam syariaik jo hakikaik maupun lahia jo bathin, sarapeknyo lah sutan nan basamo sakaji alek nan datang. Aratinyolah sambah nan dikumbalikan kabakeh sutan nan basamo. Rasonyo jokok maagak di nan cako,karano lah manitah nan sakaji silang nan bapangka karajo nan bapokok. Tantu manuruik adaik nan lamo pusako nan usang. Nan bataduah bakajangi,nan manjadi jalan rayo titisan batu. Pusako gayuang basambuik,limbago kato bajawab. Baa dimaagak gayuang manyambuik di kato nan ka manjawab, kok dima katumbuahnyo nan bak bijo, tarabiknyo nan bak padi, lai nak bapancarian sutan nan basamo. Ikolah rundiangan nan dipulangkan kabakeh sutan nan basamo.

Sutan Basa;

sapanjang buah parundiangan angku iyolah banamo didalam. Lalunyo banamo didalam, jokok maagak diambo nan ka pambarinyo kabakeh angku,

duduaklah angku di Andiko,bak bulan dipaga bintang,kayu gadang dilingkuang anak.

Dek rumik senjang saketek,jan tangga pati ambalau,elok diambiak jo ukuran,buruak dibuang jo mufakaik.Samintaro ambo maukua,antah taigau jo talambek,rundiang jo angku batinggakan,sakian sambah bakeh angku.

Angku;

Sapanjang buah kabanaran sutan iyolah banamo didalam,lalunyo tu.. Jokok maagak diambo nan kapambarinyo bakeh sutan,

Kumbang babega di bungo kambang, ajuang balaia di angin timur,manarah aluran garih,barundiang sopan jo santun,bakato basandi bana.

Jikok basiang di nan tumbuah,manimbang di nan ado.Baa karano lah tumbuah di nan sakarang iko kini, karano lah ka batariak di sutan turi tuladan banang,cupak tuladan gantang,bayangnyo adaik nan badiri.

Lai dengan InsyaALLAH bana bananti di ambo tantang nantun.ikolah pambari bakeh sutan………………………….

Sutan basa;

sapanjang buah pambari angku iyolah banamo didalam,lalunyo tu.... Tabayang lukisan adaik,riak ka tajun jo galombang, cupak tatagak di nan tuo, barih takanak di pangulu, adaik bapakai di nan mudo. Lamak siriah lega carano,lamak kato balega bunyi. Balega bunyi malah diambo tantang nantun,sakian sambah bakeh angku.

Angku;

sapanjang buah kabanaran sutan,ndak rago diulang panjang,jaweknyo sajo di hasiakan. Baa karano lah ka balega bunyi disutan, lai dgn insyaALLAH bana bananti di ambo.

Sutan basa;

basagiroan di ambo……….______________________________

(selanjutnya sutan basa mampaiyokan parundiangan kapado sutan sinaro dan sutan tanameh).

Sutan basa/orang I;

Bakeh sutan sinaro,sungguahpun sutan nan taimbau dalam syariaik jo hakikaik,maupun lahia jo bathin,sarapeknyolah sutan nan basamo-samo nan sakaji alek nan datang.

Aratinyolah sambah nan dipulangkan kabakeh sutan nan basamo-samo,rasonyo jokok maagak di nan cako,karano lah takambang bakeh layia,taserak bakeh jalo,mahadang lauik lapeh,manuju pulau nan sabuah,tawalaknyo kabakeh kito nan sakaji alek.Tantu manuruik adaik nan lamo,pusako nan usang,nan bataduah bakajangi,nan manjadi jalan rayo titisan batu...pusako gayuang basambuik,limbago kato bajawab.

Baa dimaagak gayuang kamanyambuik,kato nan kamanjawab..kok dima katumbuahnyo nan bak bijo,katarabiknyo nan bak padi,ikolah bajalan nan dipaiyoan,bakato nan dipamulahan kabakeh sutan lah nan basamo-samo.sakian sambah bakeh sutan.

Sutan sinaro/orang II;

Sapanjang buah kabanaran sutan basa iyolah banamo didalam,lalunyo banamo didalam,

Diateh duduak nan baropok,tagak nan bapusu,bajalannyo kadipaiyokan,bakatonyo kadipamulahan.,didalam pado nantun,kok dapek bulek nan sagiliang,pipia nan satapiak,

Lai koh sarantak indak balain dagam,sairiang ndak balain mukasuik kito antaro jo sutan,... ikolah sambah dipulangan kabakeh sutan.

Sutan basa;

Sapanjang buah kabanaran sutan sinaro iyolah banamo didalam,lalunyo banamo didalam..Jokok maagak disutan tantang nantun,kok barih lai ndak ilang,kok jajak lai indak lipua.Lalunyo barih nan ndak ilang,jajak nan ndak lipua,bajalannyo kadipaiyokan,bakatonyo kadipamulahan.

Dalam pado nantun kok dapek bulek nan sagiliang,pipia nan satapiak,Jokok maagak diambo,balakok buah bak cando urang bacatua,baturuikkan kayuahnyo bak cando urang babuai.Sapanjang buah kabanaran sutan basakatoi di ambo tantang nantun,ikolah sambah bakeh sutan.

Sutan sinaro;

Sapanjang buah kabanaran sutan,ndak rago diulang panjang,jaweknyo sajo dihasiakan.

Baa karano lah kabalakok disutan buah bak cando urang bacatua,baturuikan kayuahnyo bak cando urang babuai,lai dgn insyaallah bapaiyoan juo diambo.

Sutan basa;

Bananti juo di ambo...

(selanjutnya sutan sinaro mampaiyoan parundiangan dengan sutan tanameh/orang ke III).

Sutan sinaro;

Bakeh sutan tanameh,sungguahpun sutan nan dituju dalam syariaik jo hakikaik,maupun lahia jo bathin,sarapeknyolah sutan nan basamo nan sakaji alek nan sabalah ka ateh.

Aratinyolah sambah nan dipulangkan kabakeh sutan,rasonyo bak ibaraik bisiak lah samo kadangaran,imbau lah samo kalampauan..lalunyo bisiak nan kadangaran,imbau nan kalampauan,karano alah manitah nan sakaji silang bapangka karajo nan bapokok.Tantu manuruik barih jo balabeh,ukua jo jangko...gayuangnyo tantu makanan sambuik,katonyo makanan jawek,

Baa dimaagak gayuang nan kamanyambuik,dikato nan kamanjawab...Kok lai kasamupakaik kito antaro jo sutan.disuruik an siriah kagagangnyo,pinang katampuaknyo.Disuruik an gayuang kabalabeh,kato kamulonyo.

Baa karano lah ba muloi di sutan basa,lai nak disutan basa tarabiknyo gayuang manyambuik kato kamanjawab,kok lai kasamupakaik kito antaro jo sutan.ikolah sambah dipulangkan kabakeh sutan.

Sutan Tanameh;

Sapanjang buah kabanaran sutan sinaro iyolah banamo didlam,lalunyo banamo didalam,Jokok maagak disutan tantang nantun,kok barih lai ndak hilang,jajak lai ndak lipua,lalunyo barih ndak ilang,jajak ndak lipua,...bajalannyo lah bapaiyokan,bakatonyo lah bapamulahan bakeh kami lah nan basamo.Baa toh jokok maagak dikami nan basamo,lambiak ndak dapek kakadangnyo,matah ndak nampak ka aia nyo,hanyolah dikami,dilakok buahcando rang bacatua,baturuikan kayuahnyo bak cando urang babuai,sapanjang buah kabanaran sutan basakatoi  di kami nan basamo-samo.

Akan tetapi dimaagak jauh maunjuakan,hampia mangakokan kabakeh sutan basa,lai nak disutan juo tarabiknyo jauah maunjuakan hampia mangakokan,ikolah sambah sambah sutan.

Sutan sinaro;

Sapanjang buah kabanaran sutan iyolah banamo didalam,lalunyo banamo didalam.Jokok maagak diambo tantang nantun,,sakiro barek kadipikua ringan kadijinjiang,jauah kadiunjuakkan,hampia kadikakok-an.sabalun jauah kadiunjuakkan hampia kadikakokkan,nan kadijumlahan juo kabakeh sutan,malang jo mujua nan tak bacarai daripado badan,Kok taraiah di nan mujua,iyo malah bak biduak dikayuah hilia,bak pasang masuak muaro, kok taraiah di nan malang,iko juo nan ambo jumlahkan ka bakeh sutan.

Sutan Tanameh;

Sapanjang buah kabanaran sutan iyolah banamo didalam,lalunyo banamo didalam......... baa karano itu pulo nan marusuah manggamang disutan,lah bakaji malang jo mujua,lai dgn insaallah kok taraiah di nan malang kabukik samo kito daki,kalurah samo dituruni,kandak dibari pintak dipalakuan,,,, alah kasanang hati sutan.

Sutan sinaro;

Sapanjang buah kabanaran sutan ndak rago diulang panjang,malainkan didapo lakeh,jaweknyo sajo dihasiakan,baa karano kandak lah babari pintak lah bapalakuan disutan,lai dgn insyaallah basagiroan juo di ambo.

Sutan tanameh;

Baa karano lah basagiroan disutan,ba iriangan juo sutan jo muluik nan janiah hati nan suci.

(selanjutnya sutan sinaro mengembalikan perundingan kapado sutan basa).

Sutan sinaro;

bakeh sutan basa,aratinyolah sambah nan dipulangkan kabakeh sutan,rasonyo kok kito antaro jo sutan,ibaraik bajalan alun baranti,bakato alun basudah. Panek  jadi  parantian patang jadi pamalaman,sawajah bajalan baiyo bakato bamulah,mancari bulek nak nyo sagiliang,pipiak nan satapiak ditantangan gayuang kamanyambuik kato kamanjawab.

Didalam pado nantun....antah hari ko lah nan elok,kutiko ko lah nan baiak,sadang kutiko bungo kambang,sauah tatagun angin tibo,ajuang balayia dimusimnyo,dapeklah dikami bulek nan sagiliang,pipia nan satapiak,bulek aia dipambuluah bulek kato di mupakaik,lah samupakaik kami nan basamo-samo,ditantangan gayuang manyambuik kato manjawab disutan baba katibonyo,ikolah sambah dipulangkan bakeh sutan.

Sutan basa;

Sapanjang buah kabanaran sutan nan katangah nan ambo simakkan....

jokok maagak di ambo tantang nantun,bak santano bulan panuah,tarabik sajak dari sanjo tarangnyo nak lalu sampai pagi,barabuik siang jo malam,bakandak patang jo pagi,,patang jo pagi nak nyo batuka,pulang maklum bakeh sutan.

Sutan sinaro;

Sapanjang buah kabanaran sutan nan katangah nan ambo simakkan....

jokok maagak diambo tantang nantun,bak santano anak padi salibu,tumbuah disawah karawangan,urek dilingka banto darek,batang dipaluik banto cino,baru katarabik pianggang lah lalu,lai bana boneh ciek-ciek,habih disemba buruang lalu,raso tak mungkin naiak rangkiang,pulang maklum bakeh sutan.

Sutan basa;

Sapanjang buah kabanaran sutan nan katangah nan ambo simakkan...

Jokok maagak diambo tantang nantun,nan bak santano urang bacincin, cincin ameh batatak intan buatan tukang banjarmasin,bamego diujuang jari,takanakdijari manih,mambayang katapak tangan,Nak baganti mudo mamakai,pulang maklum bakeh sutan.

Sutan sinaro;

Sapanjang buah kabanaran sutan nan katangah nan ambo simakkaan.....

Jokok maagak diambo tantang nantun,bak santano urang bakain,diluluih banang jo suto,lah panek rag dek mamandang,lah lapuak banang dek mamakainyo.

Pado lamo talatak jo talampai,eloklah sutan manyaruangkannyo.pulang maklum bakeh sutan.

Sutan basa;

Sapanjang buah kabanaran sutan iyolah banamo didalam,lalunyo banamo didalam,kabapilin-pilin ndak sariang,kabaragang-ragang ndak putuih bana kito antaro jo sutan,tantu indak pulo patuik,lalunyo ndak pulo patuik,kok kito antaro jo sutan urang pai satampuah pulang sabondoang. Hanyolah nan patuik sakiro gayuang kadisambuik,kato kadijawab.

Baa toh jokok maagak diambo tantang nantun,sakiro barek kadipikua,sakiro ringan kadijinjiang,... sabalun barek kadipikua,ringan kadijinjiang nan ka dibana kan juo kabakeh sutan,ditantangan kaji salah satu nan duo parakaro,partamo malang nan kaduo mujua.... kok taraiah ambo di nan mujua,iyo malah bak cikarau dapek aia,bak rumpuik ditimpo rinai. Kok taraiah ambo di nan malang.... iko juo nan ambo jumlahan kan kabakeh sutan.

Sutan sinaro;

Sapanjang buah kabanaran sutan iyolah banamo didalam,lalunyo banamo didalam... baa karano itu pulo nan marusuah manggamang disutan,lai dengan insyaallah,kok  taraiah di nan malang ka bukik samo di rantangan tali,ka lauik samo dikambangan jalo.. kandak dibari pintak dipalakuan.. alah kasanang hati sutan.

Sutan basa;

Baa karano kandak lah babari pintak lah bapalakuan,basagiroan di ambo.

Sutan sinaro;

Basimakkan di kami nan basamo-samo.

(selanjutnya sutan basa mengembalikan perundingan ka bakeh angku,,sebelum gayuang manyambuik kato manjawab....mintak sifat /dilakukan dengan berdiri).

Sutan basa;

Bakeh angku basa, Aratinyolah sambah nan dipulangkan kabakeh Angku,Rasonyo jokok maagak di nan cako,karano alah mangumbali angku kabakeh kami nan basamo-samo.

Nan manjadi kumbali di angku,ditantangan kamancari gayuang kamanyambuik kato kamanjawab,

Jokok maagak diambo tantang nantun,lah babawo sarantau hilia sarantau mudiak,katehnyo lah batungayak-an,kabawahnyo lah batakua-an.

didalam pado nantun antah hari ko lah nan elok,kutiko ko lah nan baiak,dapeklah di kami nan basamo-samo bulek nan sagiliang pipia nan satapiak,....bulek aia ka pambuluah, bulek kato ka mupakaik,...Lah samupakaik kami nan basamo-samo,ditantangan gayuang kamanyambuik,kato kamanjawab,di ambo bana katibonyo..baa karano di ambo katibonyo,....

Jokok maagak di ambo tantang nantun,Bak santano urang Basampan..

Sampan talanca badai tibo,kok tatampuah dipulau balarangan,pulau balarangan di tuanku, lauik bapancang di panglimo, bacupak bagantang panuah, balilik bapantang sumbiang, bapantang luak sapadi,,bijo ditanam kok indak tumbuah,putuih kok tibo di nan gantiang,rauik nak mintak di pasugi.... ikolah sambah dipulangkan kabakeh angku.

Angku basa;

Sapanjang buah kabanaran sutan iyolah banamo didalam,lalunyo banamo didalam..... jokok maagak diambo tantang nantun,nan kapambarinyo bakeh sutan.

Bak santano urang ba-alang-alang.. Sajak satapak dari tanah,malambuang ka awan biru, barambuih angin limbubu, marentak tali taraju, manangih bungkaran banang, kok putuih tali nan taguah, kami tak lupo jo bungkaran,..

Kandak dibari pintak dipalakuan,alah kasanang hati sutan,ikolah pambari bakeh sutan..

Sutan basa;

Sapanjang buah pambari angku,iyolah banamo didalam,lalunyo banamo didalam.... lah nampak bana kakasiahan angku,tando urang nan barimbo laweh,nan bapadang lapang, nan balauik dalam,..tiok kandak lakeh babari,tiok pintak lakeh bapalakuan.

Baa karano kandak buliah,pintak balaku,lai dgn insyaallah ba-ulangan juo di ambo bara sado nan takana.ikolah sambah nan dipulangkan kabakeh angku.

Angku basa;

Sapanjang buah kabanaran sutan ndak rago diulang panjang,lai jaweknyo sajo dihasiakan,baa karano lah kabaulangan disutan,,,basimak-an dikami basamo-samo.

Sutan basa; .......basagiroan di ambo..

Angku sambah.....

Sungguahpun angku nan disambah,mangko mintak ampun malah ambo,dihadapan angku,ka pangulu nan gadang basa batuah sarato guru sarato kitolah nan rapek.

Dituanku lah nan duo tigo nan bakadudukan,dipakiah,dipegawai,di malin nan ampek jurai di musajik,dikitolah nan bakarapatan.

Mudo jo mulia alek sa-isi tangah rumah gadang nanko bakeh ambo maantaan sambah, indak tabilang,ta-atok,tajalani,,, hanyolah pambilang,pa-atok,panjalani,pamuliakan hanyolah sambah.

Sambah ambo nantun sambah baririk,kasajumlah angku,kapangulu nan gadang basa batuah,sarato guru sarato kitolah nan rapek.

Sairiang balam jo barabah,barabah lalu balam mandi.

Sairiang salam dengan sambah,salam lalu sambah kumbali.

Kumbali sambah kabakeh silang nan bapangkakarajo nan bapokok……..

Sutan panduko/sipangka; Ambo……….Manitahlah sutan…

Sutan basa;

Aratinyolah sambah nan dikumbalikan kabakeh sutan, rasonyo jokok maagak di nan cako, karano lah manitah sutan nan sakaji silang nan bapangka karajo nan bapokok,. Tawalaknyo kapado kami nan sakaji Alek nan datang,.

Ditantangan panitahan sutan nan katangah, didanga lah baiak bunyi, dipandang lah elok rupo,tareh nan bak di-indang,janiah nan bak dibasuah,tarang bak bulan ampek baleh,tarang dikitolah nan basamo.

Tantu manuruik pasa nan biaso, biaso diadaik, biaso dilimbago,adaik nan usang pusako nan lamo,nan bajambatan basi,nan bajalan rayo,nan batapian mandi,nan barumah tanggo,limbago  gayuang basambuik,pusako kato bajawab.

Baa di maagak gayuang kamanyambuik,dikato nan kamanjawab..? Jokok maagak di ambo tantang nantun,,.

BAK SANTANO IKAN DALAM LUBUAK... Diateh tubo rang lapeh, dibawah lukah mananti, ditangah jalo bamain, kiri kanan tangguak manari, ditapi ampangan lakek, Tasakek ikan diampangan, tak dapek ma elak lai, dalam arek bapaga kawek,dilingkuang adaik jo pusako,dihadapan pangulu nan gadang basa batuah,pun Tatumpah kateh badan diri ambo..

Baa karano tatumpah kateh badan diri ambo,.? Jokok diateh BAKAMUJURAN SUTAN,

Iyomalah,.... BAK SANTANO URANG MANJALO.... Kambanglah Jalo rangserakkan, tibo di luhak batu basa,antaro dareh jo tanang, tiok mato jalo mandapek, tiok kanduabarisi ikan, panuahlah karontoang kasadonyo, lapehlah utang nan baketek ketek.. .

Baa pulo jokok diateh BAKAMALANGAN SUTAN?.. BAK SANTANO URANG MANIKAM. Tikam sayuik gayuang ndak sampai, junjuang tagak kacangnyo mati, aka manjulai ndak bapucuak,.

LALUNYO TU.... Kok manaruah ambo khilaf jo kilafaik,gawa jo mungkia,di maagak maulang buah kabanaran sutan, Balari kok ndak samo kancang,marantau kok indak samo jauah,, disiko ambo angkek tangan nan duo,disusun jari nan sapuluah, Rila jo maaf dipintak,bana dilaluan... Sakian sambah bakeh sutan.....

Sutan panduko;

Sapanjang buah kabanaran sutan,iyolah banamo didalam,lalunyo banamo didalam....jokok ma-agak diambo tantang nantun,,,,indak kadikaji bana panjang jo singkek,labiah jo kurang... Apabilo gayuang lah basambuik,kato lah bajawab disutan tantang nantun....satitiak dijadikan lauik,sakapa dijadikan gunuang, dilahia kito maafkan,dibathin kito pulangkan ka nan Satu... kandak dibari pintak dipalakuan... alah kasanang hati sutan...

Sutan Basa;

Baa karano kandak lah babari,pintak lah bapalakuan disutan,,lai dgn insyaAllah ba-ulangan juo diambo bara sado takana.

Sutan panduko;

Basimak-an dikami nan basamo-samo... (sutan panduko boleh duduk dulu)

Sutan basa;...... (membaca batang pasambahan sampai selesai,dimulai dari... “mangko manitah malah ambo.....rasian pamenan lalok.....dst’’)(setelah “sutan basa/alek” selesai  membaca “batang pasambahan”...)

Sutan basa;

Bana baitu buah kabanaran sutan.... (yo bana---jawab sutan panduko).

Sapanjang buah kabanaran sutan iyolah banamo didalam,lalunyo banamo didalam,, jokok ma-agak diambo tantang nantun,sakiro gayuang lah basambuik,sakiro kato lah bajawab,baa di ma-agak gayuang nan kaputuih,kauik nan ka kameh,karano kito barundiang lai dihadapan sajumlah mamak,lai sakiknyo ambo imbauan,matinyo ambo dapek-an,,mananti sutan jo panitahan,ambo marila jo parundiangan..ikolah sambah bakeh sutan.

Sutan panduko;

Sapanjang buah kabanaran sutan iyolah banamo didalam,lalunyo banamo didalam,,,jokok maagak disutan tantang nantun,kok barih lai ndak hilang,jajak lai ndak lipua,,,lalunyo barih nan ndak hilang,jajak nan ndak lipua,,,, kok sakiknyo lah ka ba-imbau-an,matinyo lah ka badapek-an... baa karano sakik ka baimbauan disutan,lai dgn insyaAllah bana bananti di ambo.sakian sambah bakeh sutan,

Sutan basa;.......baa karano lah ka bananti disutan,lai dgn insyaallah basagiroan juo di ambo.

Sutan panduko;......bananti juo di ambo....

(selanjutnya sutan basa “sakik maimbauan ka bakeh angku”)

Sutan basa;

Kabakeh angku,,aratinyolah sambah nan dikumbalikan kabakeh angku,rasonyo jokok maagak di nan cako karano lah ba-ujua balapeh ambo di angku,ditantangan gayuang kamanyambuik,dikato nan ka manjawab.

Baa toh jokok maagak diambo tantang nantun,sakiro barek lah bapikua,ringan lah bajinjiang,bana lah ba-ulang, baa di ma-agak gayuang nan kaputuih,di kauik nan kakameh,atau dikandak nan kamambari dipintak nan kamampalakuan..ikolah sakik nan ambo imbau-an,mati nan ambo dapek-an,kabakeh angku lah nan basamo-samo,ikolah sambah nan ambo pulangan kabakeh angku.

Angku:

Sapanjang buah kabanaran sutan iyolah banamo didalam,lalunyo banamo didalam,, jokok maagak disutan kok barih lai indak hilang,jajak lai ndak lipua,. Lalunyo barih nan ndak hilang,jajak nan ndak lipua,,,kok sakiknyo lah ba-imbauan,mati-nyo lah ba-dapek-an kabakeh kami lah nan basamo-samo,,.... lai nan nyinyo kami nan basamo-samo alah bana rasonyo kandak nyo dibari,pintak dipalakuan,....akan tetapi,,di maagak jauah maunjuak-an,hampia mangakok-an, barek bapikua-an,ringan bajinjiang-an juo kabakeh sutan,,, ikolah pambari bakeh sutan.

Sutan basa;

Sapanjang buah pambari angku iyolah banamo didalam,lalunyo banamo didalam,. Jokok ma-agak diambo tantang nantun,sakiro jauah ka di-unjuak-an,hampia kadikakok-an.... sabalum jauah kadiunjuakan,hampia kadikakokan,,,nan ka dijumlahan juo ka bakeh angku,kok senteang nak babilai,kurang nak batukuak juo di angku nan basamo-samo.ikolah sambah dipulangan kabakeh angku.

Angku;

sapanjang buah kabanaran sutan iyolah banamo didalam,lalunyo banamo didalam.. baa karano itu pulo nan marusuah manggamang disutan,lai dengan insyaallah,kok senteang dibilai,kurang ditukuak..kandak dibari pintak dipalakuan.

Sutan basa;

Baa karano kandak lah babari,pintak lah bapalakuan,,lai dgn insyaallah basagiroan juo di ambo,..(selanjutnya sutan basa menghantarkan sambah kpd sipangka “sutan panduko”)

Sutan basa;

Aratinyolah sambah nan dikumbalikan kabakeh sutan,rasonyo kok kito antaro jo sutan,,,ibaraik bajalan alun baranti,bakato alun basudah.. panek jadi parantian patang manjadi pamalaman,sawajah bajalan baiyo bakato bamulah, ditantangan kandak nan kamambari pintak nan kamampalakuan.....Lalunyo tu.....Kok batamu di alek nan bajamu,lai nak kami bawo malah,sasandiang duduak sajamba makan,sapantang sapajatian juo malah handaknyo,Kok basuo diLabuah nan goloang dipasa nan rami,lai nak itu sajo kami imbau-an galanyo “si Budi” nanBagala “Sutan Bagindo”.Kandak dibari pintak dipalakuan,,alah kasanang hati sutan.

Sutan Panduko;

Sapanjang buah kabanaran sutan iyolah banamo didalam.lalunyo banamo didalam... sungguahpun kandak alah babari pintak lah bapalakuan,nan kadibanakan juo kabakeh sutan,dimaagak mancabiak laweh mangambang Leba,supayo didanga nak nyo babunyi,dipandang nak nyo barupo.

Baa di nan sekarang iko kini,karano didanga alun babunyi,dipandang alun barupo, iko juo nan ambo jumlahan bakeh sutan.ikolah sambah bakeh sutan.

Sutan basa;

Sapanjang buah kabanaran sutan iyolah banamo didalam,lalunyo banamo didalam... baa karano itu pulo nan marusuah manggamang disutan,lai dgn insyaallah,basagiroan diambo...

Sutan panduko;  ..... badangakan dikami basamo samo....

Sutan basa:……      

Sambah tabayak kabakeh kito nan basamo-samo, sado nan disungkuik atok,nan ditanai Lantai,nan dilingkuang dindiang.

Ditanai bumi nan Laweh,disungkuik Langik nan Leba, Salilik gunuang marapi, salingka gunuang singgalang, sapaedaran gunuang pasaman.

Aratinyolah Sambah nan dikumbalikan kabakeh kito nan basamo-samo, Rasonyo jokok maagak dinan cako,karano lah dapek bulek nan sagiliang,pipia nan satapiak, Bulek aia dipambuluah,bulek kato dimupakaik,. Lah samupakaik mamak sarato jo bapak,nan sakaji silang nan bapangka karajo nan bapokok,di maagak tantangan ka galanyo “siBudi nan bagala Sutan bagindo”.

Lalunyo tu,kok batamu dialek nan bajamu,nak dibawo malah,sasandiang duduak,sajamba makan,sapantang sapajatian juo malah handaknyo, kok batamu dilabuah nan goloang dipasa nan rami,lai nak itu sajo di imbau-an galanyo “si Budi nan bagala SUTAN BAGINDO”.....

BAA DIKITO TUU...AAA.

Sutan basa;

Bakeh sutan panduko,aratinyolah sambah nan dikumbalikan bakeh sutan,rasonyo kok kito jo sutan,ibaraik bajalan alun baranti bakato alun basudah,panek jadi parantian patang jadi pamalaman,sawajah mancabiak laweh mangambang leba.. supayo didanga nak nyo babunyi,dipandang nak nyo barupo.

Baa dinan sekarang iko kini,karano didanga alah babunyi,dipandang alah barupo.. alah koh ka patuik “kalam kito patah,karateh kito guluang,bajalan diagiah baranti, bakato dibari basudah”. Ikolah sambah bakeh sutan.

Sutan panduko;

Sapanjang buah kabanaran sutan iyolah banamo didalam,lalunyo banamo didalam,baa karano didanga alah babunyi,dipandang alah barupo,,, alah patuik kalam kito patah,karateh kito guluang,bajalan diagiah baranti,bakato dibari basudah....  ikolah sambah bakeh sutan.

Sutan basa;

Sapanjang buah kabanaran sutan iyolah banamo didalam,lalunyo banamo didalam,,baa karano lah patuik kalam kito patah,karateh kito guluang,bajalan diagiah baranti,bakato dibari basudah,,,, nan kapambarinyo diambo kabakeh Sutan...

Anak urang di koto tinggai,Basalimuik Tangah duo eto,

Kok adaik lah samo kito pakai,Jo syarak di ambo panarimo.

ALHAMDULILLAH di ambo Kajaweknyo...

Sutan panduko; ...........babaruik-an di ambo ka muko.

Sutan basa; .................samo-samo....

Dibacaolehsipangka…(setelah mintak sifat....)

Angku sambah...

Sungguahpun Angku nan disambah,mangko mintak ampun malah ambo dihadapan angku,ka pangulu nan gadang basa batuah,sarato guru,sarato kitolah nan rapek.

Dituanku lah nan duo tigo nan bakadudukan,dipakiah,dipegawai,di malin nan ampek jurai di musajik,dikitolah nan bakarapatan.

Mudo jo mulia alek saisi tangah rumah gadang nanko,bakeh ambo maantaan sambah,Indak tabilang ta atok,tajalani.Hanyolah pambilang paatok panjalani pamuliakan hanyolah sambah.Sambah ambo nantun sambah baririk di hadapan angku pangulunan gadang basa batuah.Ujuang panitahan kabakeh angku nan sakaji alek……

(jwb angku alek:manitahlah sutan...)

Mangko manitah malah ambo…

Rasihan pamenan lalok,

kacimpuang pamenan mandi,

indak tabilang ta atok,

sambah jo simpuah panjalani..

Kanang kanang diateh bukik,

siturak didalam rawah,

sikalumbuak di ateh pintu,

mintak tanang ambo sadikik,

ambo ini mahantarkan sambah,

ayam bakukuak ambo lai ragu.

Lalatan nak rang kamang,

rang kabun marapek suri

kalapo dimano rang lampaikan,

kok salah ambo toloanglah timbang

kok guru cando lah mati,

nan kitab tabaliak balun,

sasek ambo toloang tunjuakkan.

Urang padang ma-anji banang,

dipunta lalu dilipek,dilipek lalu dipaduo,

Kok dirantang namuahnyo panjang,

elok dipunta nak nyo singkek,singkek sakiro kapaguno.

Singkek sakiro kapaguno,

Anak urang dibukiktinggi,

Hiliakan ka sungai landai,

Nak lalu ka koto marapak,

Babelok lalu ka biaro,.

Takalo syarak kadikaji,

Adaik kadipakai,

Sapakaik niniak dgn mamak,

Baitu pituah dinan tuo.

Hanyolah nan manjadi pituah di nan tuo

Talayang sampan katangah-tangah.Babalun-balun jo buiah.Mamacah riak kiri kanan.Haluan mambawo jauah. mambawo Hampia.Tahantak galah ka napa.Tasanda lalu katabiang.Aka manjulai babungo kambang.bungo nan balun dipasuntiang.Banasakah rundiang dibaco.Baanalisa kato disabuik.

Nan bak santano urang batanun.Tarantang suto jo banang, ukua jo jangko nan lah sudah,barih balabeh nan lah cukuik,Turap nan alun Baluncuran.Pihak diturap nan alun baluncuran,tingga ditukang nan bakarajo.

Sadundun galeh jo cangkia,basusun piriang ateh talam,Ba isi juadah nan katangah.

Kok rupo lah samo kito liek,ragi lah samo kito pandang.

Kok barih mintak di paek,rakuak mintak ditabang..

Nak babawo lalu di angku,nan sakaji alek kami nan datang.

Kok banamo didalam buah kabanaran ambo,nak ambo tampuahan,kok banamo bukan,baa kaelok kasuruiknyo,sakian sambah jo titah,nan lalu dihimpunan ka-arifan Angku pangulu nan gadang basa batuah sarato guru,sarato kito lah nan rapek..... sakitu nan takana nyoh ngku....

(selanjutnyaangkuakanmencarigayuangmanyambuikkatomanjawab,,,, setelahselesaigayuangmanjawab,makasialekakanmenjawab;….)

Alek;

Sapanjangbuahkabanaransutaniyolahbanamodidalam,lalunyobanamodidalam,jokokmaagak di kami nan basamo-samo…manuruikpituah di nan tuo,apobilosutanlahduduak di kamudi,kamilahduduak di haluan,samobalayiakitobasamo….ikolahsambahdipulanganbakehsutan…

Sipangka

Sapanjangbuahkabanaransutaniyolahbanamodidalam,lalunyobanamodidalam,baakaranolahmangatokansutansamobalayiakitobasamo,,,,basagiroan di ambo..

Alek;

Ba iriangandikaminanbasamo-samo……..

-------------------------------------------------------------- -----------------------------------------------------------------------------------------------------------------------------------------------------------------------------------------------------------------------------------------------------------------------------------------------------

(dilakukanolehsipangka,ataumamak .... ditujukankapadoalekataupihakbapakanak)

Setelahmintaksifat,,,makadibacabatangpasambahanuntukmamintak gala….

Sipangka;

Angku sambah...

Sungguahpun Angku nan disambah,mangko mintak ampun malah ambo dihadapan angku,ka pangulu nan gadang basa batuah,sarato guru,sarato kitolah nan rapek.

Dituanku lah nan duo tigo nan bakadudukan,dipakiah,dipegawai,di malin nan ampek jurai di musajik,dikitolah nan bakarapatan.

Mudo jo mulia alek saisi tangah rumah gadang nanko,bakeh ambo maantaan sambah,Indak tabilang ta atok,tajalani.Hanyolah pambilang paatok panjalani pamuliakan hanyolah sambah.Sambah ambo nantun sambah baririk di hadapan angku pangulunan gadang basa batuah.Ujuang panitahan kabakeh angku nan sakaji alek……

(jwb angku alek:manitahlah sutan...)

Mangko manitah malah ambo…

Rasihan pamenan lalok,kacimpuang pamenan mandi,indak tabilang ta atok,sambah jo simpuah panjalani..

Kanang kanang diateh bukik,siturak didalam rawah,sikalumbuak di ateh pintu,mintak tanang ambo sadikik,ambo ini mahantarkan sambah,ayam bakukuak ambo lai ragu.

Lalatan nak rang kamang,rang kabun marapek suri,kalapo dimano rang lampaikan,kok salah ambo toloanglah timbang,kok guru cando lah mati,nan kitab tabaliak balun,sasek ambo toloang tunjuakkan.

Urang padang ma-anji banang,dipunta lalu dilipek,dilipek lalu dipaduo,Kok dirantang namuahnyo panjang,elok dipunta nak nyo singkek,singkek sakiro kapaguno.

Singkek sakiro kapaguno,Anak urang dibukiktinggi,Hiliakan ka sungai landai,Nak lalu ka koto marapak,Babelok lalu ka biaro,.Takalo syarak kadikaji,Adaik kadipakai,Sapakaik niniak dgn mamak,Baitu pituah dinan tuo.

Hanyolah nan manjadi pituah di nan tuo….Tiok-tiok nan tuodipamulia,nanmudodikasiahi....gunonyonan tuodipamulia,ka-paitampekbatanyo,kapulangtampekbabarito,gunonyo nan mudodikasihi,kadisuruahpai,kadiimbaudatang.

Baa dinansakarangikokini,karanolahba-ujuabalapeh nan mudomatah nan tau cadiakpandai,kabacapekkaki,baringantangan,ka-maningkekjanjang,manapiakbandua,mambaworokok nan sabatangsiriah nan sakapua,. Kamanyaruangku nan jauah,kamanjalangangku nan hampia.

Didalampadonantun,bakamujurankami nan sakajisilang nan bapangka,karajo nan bapokok,jauahdisaruangkulahdatang,hampiadijalangangkulahtibo,punlahhadirduduakbaselo di atehrumahgadangnanko.

Baa karanolahhadirdiatehrumahgadangnanko,disikolahlakekbaksapanjangpituahdinantuo,gabakdihulutandokahujan,cewangdilangiktandokapaneh,ataudibijo nan katumbuah di padi nan katarabik.

Baa dimaagakbijo nan katumbuah,dipadi nan katarabik,ikolahbajalan nan kami paiyo-an,bakato nan kami pamulahan,kabakehangku nan basamo-samo nan sakajibapakanak kami nan dating.

Kokbanamodidalambuahkabanaran ambo nak ambo tampuahan,kokbanamobukan baa kaelokkasuruiknyo,sakiansambahjotitah nan laludihimpunankaarifanangkukapangulu nan gadangbasabatuah,sarato guru saratokitolah nan rapek………. Sakitunantakananyohngku…………….

(selanjutnyaMamakbapakanakakanmancarigayuangmanyambuikkatomanjawab,,setelahgayuangdisambuikkatodijawab,makasialekakanmanjawab…..;

ALek;

Sapanjangbuahkabanaransutaniyolahbanamodidalam,lalunyobanamodidalam,jokokmaagak di kami,dijauah nan kami jalang,hampia nan baturuik,bakamujuran kami sakajialek nan datang,kadatangan kami lahbananti,kaduduaklahbakambanganlapiak,,Baa Jokokmaagakdikami nan sakajibapakanak,Gabak di hululahpatuikdijadikanHujan,cewangdilangiklahpatuikdijadikanpaneh… baa di ma-agakBijo nan katumbuahatau di padi nan katarabik,,,kami sakajibapakanak,mangumbali kami kabakehmamakanak kami,,ikolahsambah nan dipulangkanbakehsutan….

Sipangka;

Sapanjangbuahkabanaransutaniyolahbanamodidalam,lalunyobanamodidalam,jokok maagak dikami nan basamo samo,manuruik pituah di nan tuo diateh anak nan babapak,duduaknyo bakandak tagaknyo mamintak,iko juolah nan kami banakan banakan bakeh sutan.............

Alek;

Sapanjang buah kabanaran sutan iyolah banamo didalam,lalunyo banamo didalam,jokok maagak diambo tantang nantun Bak ibaraik joki diGalanggang, dinaiakkan ka pungguang kudo,dibari cambuik nan sahalai,marentak bapacu lari,tuah jauah cilako hampia,,,ditantangan inset nan patuik dibayia atau di boko nan kamanarimo,tapacik ditangan induak samang,,,,baa toh kalaluannyo bana.,, supayo duduak nak nyo basimpuah urek,tagak nak nyo basanda batang,,di elo kato jo mupakaik,mananti sutan jo panitahan......

(si alek baiyo dgn mamaknyo,karano sipangka mamintak gala kabakeh si bapak anak)....setelah dapek gala nan dicari......si alek memulangkan parundiangan ka sipangka....

Alek;

Bakeh sutan....Aratinyolah sambah nan dikumbalikan bakeh sutan,rasonyo kok kito antaro jo sutan,ibaraik bajalan alun baranti bakato balun basudah,panek jadi parantian patang jadi pamalaman,sawajah bajalan baiyo,bakato bamulah,ditantangan dibijo nan katumbuah dipadi nan katarabik,lalunyo tu.... jokok maagak dikami nan basamo-samo nan sakaji bapak anak nan datang,bukik lai raso kabarangin,lurah lai raso kabaraia...ikolah sambah nan dipulangkan bakeh sutan.

(setelah gala ditarimo dan disepakati,disiko diagiah panek parantian.....) selanjutnya sipangka memberitahukan ka bakeh bapak ditangah rumah tantang “elok sapamandangan”)

Mamak rumah;

Kabakeh pak sidi,pak sutan....sarapeknyolah bapak rumah kami nan basamo-samo sakaji nan madok..... Aratinyolah sambah nan pulangkan kabakeh apak nan basamo-samo,rasonyo jikok maagak di nan cako,,karano lah baiyo-iyo mamak sarato jo bapak anak nan madok,ditantangan bijo nan katumbuah padi nan katarabik...dalam pado nantun,bukik lai bak raso kabarangin,lurah lai bak raso kabaraia,,,alah koh elok sapamandangan lamak sapamakanan kito antaro jo apak rumah nan madok...ikolah sambah nan dipulangkan kabakeh apaknan basamo samo.

Bapak rumah:

Sapanjang buah kabanaran mamak iyolah banamo didalam,lalunyo banamo didalam,jokok maagak dikami nan basamo-samo...manuruik pituah dinan tuo, tiok-tiok diliek barupo,dipandang baroman,,,baa karano alun dikaji di nan saganok nantun,iko juo nan kami pulangan kabakeh amak....

Mamak rumah;

Baa karano itu pulo nan marusuah manggamang di apak,diliek nan barupo dipandang nan baroman,,basagiroan juo diambo..... (mamak rumah maagiahan karateh nan alah batulis namo gala marapulai,,,,dan bapak rumah mampaiyoan jo kanti-kantunyo....setelah itu bapak rumah mamulangan ka mamak rumah,,,supayo dicabiak laweh dikambang leba)...

Catatan;

Contoh diatas adalah anak mamintak gala,,dan pado dasarnyo parundiangan mancari gala nan ka dipakai ko,ado 3 macam gala nan kadipakai;

1.     Gala dari mamak,

2.     Gala dari Bapak/bako.

3.     Gala sakarek mamak,sakarek bapak.......

-

Terlebih dahulu di awali dgn mintak sifat............

Angku sambah...

Sungguahpun Angku nan disambah,mangko mintak ampun malah ambo dihadapan angku,ka pangulu nan gadang basa batuah,sarato guru,sarato kitolah nan rapek.

Dituanku lah nan duo tigo nan bakadudukan,dipakiah,dipegawai,di malin nan ampek jurai di musajik,dikitolah nan bakarapatan.

Mudo jo mulia alek saisi tangah rumah gadang nanko,bakeh ambo maantaan sambah,Indak tabilang ta atok,tajalani.Hanyolah pambilang paatok panjalani pamuliakan hanyolah sambah.Sambah ambo nantun sambah baririk di hadapan angku pangulunan gadang basa batuah.Ujuang panitahan kabakeh angku nan sakaji silang nan bapangka,karajo nan bapokok……

(jwb angku sipangka:manitahlah sutan...)

Mangko manitah malah ambo…

Rasihan pamenan lalok,kacimpuang pamenan mandi,

indak tabilang ta atok,sambah jo simpuah panjalani..

Kanang kanang diateh bukik,siturak didalam rawah,sikalumbuak di ateh pintu,

mintak tanang ambo sadikik,ambo ini mahantarkan sambah,ayam bakukuak ambo lai ragu.

Lalatan nak rang kamang,rang kabun marapek suri

kalapo dimano rang lampaikan,

kok salah ambo toloanglah timbang,kok guru cando lah mati,

nan kitab tabaliak balun,sasek ambo toloang tunjuakkan.

Urang padang ma-anji banang,

dipunta lalu dilipek,dilipek lalu dipaduo,

Kok dirantang namuahnyo panjang,

elok dipunta nak nyo singkek,singkek sakiro kapaguno.

Singkek sakiro kapaguno,

Anak urang dibukiktinggi,Hiliakan ka sungai landai,

Nak lalu ka koto marapak,Babelok lalu ka biaro,.

Takalo syarak kadikaji,Adaik kadipakai,

Sapakaik niniak dgn mamak,Baitu pituah dinan tuo.

 Hanyolah nan Manjadi pituah di nan tuo,,Tiok-tiok nan tuo dipamulia,nan mudo dikasiahi,,Gunonyo nan tuo dipamulia,ka pai tampek batanyo,kapulang tampek babarito,gunonyo nan mudo dikasiahi,kadisuruah pai,ka di imbau datang.

Baa di nan sakarang iko kini,karano alah ba-uja balapeh kami di Angku Sati sarato Angku Tungga,sarato jo bapak ditangah rumah,ka manamui janjian nan Arek, karangan nan Badagok, satian nan Bakarang, pado malam samalam kini, ka MANJAPUIK si Andi nan bagala sutan Saidi,ka manjadi Sumando dikampuang KOTO nan BATUJUAH.

Kok sabuliah-buliah kandak,duduaknyo nak maurak selo,tagaknyo nak maurak langkah....si-ANDI nan bagala sutan saidi,sarato jo anak mudonyo. Lai nak balapeh di Angku jo Muluik nan janiah jo hati nan suci.

Didalam pado Nantun,di ateh pambawo-an kami nan katangah,di-siriah nan sacabiak di-pinang nan sagatok,di-Sakin nan sabilah atau di-Ameh ciek jo duonyo..... lai nak baliek balengoang di Angku nan sakaji silang nan bapangka,karajo nan bapokok.

Kok banamo didalam buah kabanaran ambo,nak batampuahan,..kok banamo bukan baa ka-elok ka-suruiknyo,sakian sambah jo titah nan lalu dihimpunan kaarifan angku kapangulu nan gadang basa batuah sarato guru,sarato kito lah nan rapek....... Sakitu nan takana nyoh Ngku......

(angku silang nan bapangka,karajo nan bapokok,akan mancari gayuang manyambuik,kato manjawab dengan BAPAK RUMAH nan Madok...).

Setelah selesai gayuang manyambuik kato manjawab,bapak rumah sipangka mengembalikan sambah ka bakeh alek nan datang,,,

Bapak Rumah/sipangka;

Bana baitu buah kabanaran sutan........(yo bana....jwb si Alek).... Sapanjang buah kabanaran sutan iyolah banamo didalam,lalunyo banamo didalam... jokok ma-agak di ambo,sakiro barek lah bapikua,ringan lah bajinjiang,bana lah ba-ulang,..baa di tantangan pambawo-an sutan nan katangah,di liek lah barupo dipandang lah baroman,tantu lakuangnyo makanan tinjau,kalamnyo makanan sigi,,, baa di maagak lakuang nan kamaninjau,kalam nan kamanyigi,karano kito barundiamg dihadapan sajumlah mamak,, lai sakiknyo ambo imbauan,matinyo ambo dapek-an,mananti sutan jo panitahan,ambo marila jo Parundiangan..ikolah sambah dipulangan bakeh sutan,,,....

Alek;

Sapanjang buah kabanaran sutan ndak rago diulang panjang,malainkan didapo lakeh,lai jaweknyo sajo dihasiakan....baa karano sakik lah kabaimbauan,mati badapekan disutan,dgn insyaAllah bananti di ambo.....

Sipangka sakik maimbauan ka bakeh angku,ditantangan “lakuang maninjau,kalam manyigi”.. dikandak nan kamambari,pintak kamampalakuan (ditantangan lakuang kamaninjau mamak anak baiyo jo bapak anak).....setelah itu sipangka mengembalikan perundingan ka bakeh alek.....

Sipangka;

Bakeh sutan....Aratinyo lah sambah nan dikumbalikan kabakeh sutan,rasonyo kok kito antaro jo sutan,ibaraik bajalan balun baranti,bakato balun basudah,panek jadi Parantian patang jadi pamalaman,sawajah bajalan baiyo,bakato bamulah..ditantangan lakuang nan kamaninjau,kalam nan kamanyigi.....

Didalam Pado nantun....kok Lakuangnyo lah Batinjau,Kalamnyo lah Basigi..... Babilang lah tibo di nan Cukuik,Bacupak lah tibo di nan Panuah,.. alah kasanang hati sutan,ikolah sambah bakeh sutan..

Alek;

Sapanjang buah kabanaran sutan iyolah banamo didalam,lalunyo banamo didalam,baa karano babilang lah tibo di nan cukuik,bacupak lah tibo di nan panuah,,alah koh kandak dibari,pintak dipalakuan,ikolah sambah bakeh sutan...

Sipangka;

Sapanjang buah kabanaran sutan iyolah banamo didalam,lalunyo banamo didalam,lalunyo banamo didalam.....

Sabalun Kandak dibari pintak dipalakuan,nan kadijumlahan juo kabakeh sutan, ditantangan diri simarapulai,kok umua baru satahun jaguang, darah satampuak pinang,,tagaknyo kok tasundak, duduaknyo kok tapampeh.... iko juo nan dijumlahan kabakeh sutan.....

Alek;

Sapanjang buah kabanaran sutan iyolah banamo didalam,lalunyo banamo didalam.... baa karano itu pulo nan marusuah manggamang disutan,lai dengan InsyaAllah kok takalok bajagoan,kok lupo babaritahu.... alah koh kandak dibari pintak dipalakuan........

Sipangka;

Baa karano takalok lah kabajagoan,lupo kababaritahu disutan tantang nantun,disiko kandak dibari pintak dipalakuan......alah kasanang hati sutan..

Alek;

Baa karano kandak lah babari pintak lah bapalakuan disutan,,,,,, Alhamdulillah di ambo kajaweknyo.....................................